कोहलपुर, सोमबार, फागुन ०२, २०७८
अपागंता भएका व्यक्तीहरुलाइ न्यायमा पहुच पुरयाउनका लागि २ दीने तालिम कोहलपुरमा सम्पन्न भएको छ । सीबीएमको आर्थिक सहयोगमा अपागं शसक्तीकरण एवं सन्चार केन्द्र (डेक) नेपालद्धारा सन्चालित समावेशि समुदाय परियोजना अन्तरगत अपागंता भएका व्यक्तीहरुलाइ सो तालिम दिइएको हो ।
बाँके जिल्लाका अपागंता भएका व्यक्तीहरुलाइ न्यायमा पहुच सगंै पहुचयुत्ततामा पनि सक्षम बनाउने उद्देश्यले तालिमको आयोजना गरिएको कार्यक्रम संयोजक गणेश पाण्डेले जानकारी दिए । उनका अनुसार नेपालगंज, कोहलपुर, बैजनाथ र खजुराका अपागंता भएका व्यक्तीहरु र तिनका अभिभावकहरु तलिममा सहभागि भएका छन् । यस तालिम बाट अपाङ्गता भएका व्यक्तिहरुको सम्वन्धित न्यायालयमा के कतिको पहुँच छ या वर्तमान अवस्था के छ भनि परिक्षण गर्ने विविध प्रस्नावाली तथा टूल हरुको बारेमा सहजीकरण भएको थियो ।
डेक नेपाल बाँकेका कार्यकारी निर्देशक देविदक्त आचार्यले हरेक क्षेत्रमा काम लाग्ने र सदुपयोग हुने खालका विषयवस्तुलाइ न्यायको क्षेत्रमा जोडेर अपागंता भएका व्यक्तीहरुलाइ जानकारी दिएको बताए । अपागंता भएका व्यक्तीहरुको न्यायमा पहुच पुग्न सके मात्रै धेरै अधिकारहरु सुनीश्चीत हुने उनको भनाइ छ । दुइ दिने तालिमको प्रशिक्षण अधिवक्ता ईमान सुनारले गरेका थिए ।
यस तालिम पश्चात ३ वटै पालिकामा न्यायको पहुँच कस्तो छ भन्ने विषयमा अध्ययन गर्नको लागि कार्यदल गठन गरिएको छ । बैजनाथ गाउपालिकको लागि देवीसरा बुढाको संयोजकत्वमा ७ सदस्सीय, कोहलपुर नगरपालिकामा कमलादेवी सापकोटाको संयोजकत्वमा ७ सदस्यीय र बाँके जिल्लाका लागि हरिकला देवी थापामगरको संयोजकत्वमा ५ सदस्यीय कार्यदल गठन गरिएको थियो । उक्त कार्यदलले एक हप्ता भित्र सम्वन्धित न्यायका संस्थाहरुमा अपाङ्गता भएका व्यक्तिहरुको पहुँच र पहुँचयुक्तताको हालको अवस्थाको विस्लेषण तथा परिक्षण गर्ने छ ।
